Прэм’ер-міністр Польшчы Дональд Туск на пасяджэньні ўраду паведаміў, што ў Польшчы 32 чалавекі былі затрыманыя па падазрэньні ў супрацоўніцтве з расейскімі спэцслужбамі.
Паводле яго, гэтых людзей падазраюць у дывэрсіях, падпалах і іншых гвалтоўных дзеяньнях. Сярод затрыманых — грамадзяне Польшчы, Расеі, Украіны і Беларусі.
Туск падкрэсьліў, што гэта не ізаляваныя выпадкі, а частка расейскай кампаніі па дэстабілізацыі Польшчы. Ён заклікаў усе спэцслужбы быць напагатове і паабяцаў жорсткую рэакцыю на любыя дзеяньні, якія пагражаюць бясьпецы дзяржавы.
Паводле Туска, адзін з абвінавачаных ужо асуджаны і адбывае пакараньне, астатнія чакаюць суду.
ГЛЯДЗІЦЕ ТАКСАМА: Тры прычыны абвастрэньня міграцыйнага крызісу — тлумачэньне польскага аналітыка Міхала Патоцкага